Introitus :
“Kalak si la nggit erdahin ola bere man” (II Tesalomika 3:10b)
Ogen : Perbahanen Rasul-Rasul 18:1-11; Khotbah : Kejadin 3:17-19
Thema : “Mejingkat Erdahin”
Mejuah-juah…..
selamat Tahun Baru.
Senina
ras turang ibas kekelengen Yesus Kristus, ibas bena tahun simbaru enda mulai me
kita bengket kubas kegiaten pelayanen ibas gerejanta. Sue ras prioritas program
GBKP tahun 2014 enda, bengket me kita kubas Tahun Peningkatan Kwantitas SDM
yang Berkwalitas. Erpalasken si eme Pekan penatalayanen ibas sada minggu enda
pe ibabai kubas Thema umum: “Empermuliaken Dibata alu nambahi kalak si pentar
ibas GBKP” (Kuan-Kuanen 1:7). Khususna ibas pekan penatalayanen wari si pemena
enda, kita ipersingeti segelah” mejingkat erdahin”(thema). Mejingkat erdahin,
ulet, kerja keras eme biak geluh kalak si tek, ras salah sada cara, sikap kerja
guna meningkatken SDM si berkwalitas.
Erpalasken
Kejadin 3 : 17-19, ituriken kerna kearusen erdahin. Ibas bahasa karo lit 3 kali
isingetken kerna kata, ”terpaksa”, ertina Kerina manusia sebagai tinepa Dibata
arus maka ia erdahin. Erdahin guna ndatken keperlun geluh, erdahin gelah ngasup
nampati kalak si deban ibas nehken kekelengen, erdahin guna mpermuliaken
Dibata. Terlebih sebagai kalak Kristen patut isedarina, itehna maka geluhna eme
citra Dibata, teman sekerja Dibata I doni enda. Kesegambaren manusia ras Dibata
eme palas maka kita pe arus erdahin bagi Dibata pe tetap kap erdahin. Ibas
Yohanes 5: 17, nina Yesus”BapangKu erdahin kap lalap, e maka Aku pe arus
erdahin”. Rasul Paulus pe naksiken kerna pengalamen ibas dahin pelayanenna I
kota Korinti (Perbahanen Rasul-rasul18:1-11, ras II Tesalonika3:10), arus maka
tetap tutus ras mejingkat, kerja keras ibas erdahin guna nehken Berita si
Meriah. Nina Paulus ibas II Korinti 11:27,”Ibas aku erdahin mberat dingen latih
suhsah e, megati aku laterpedem, megati muas dingen melihe, megati lalit si man
panganenku, megati bergehen erkiteken kurang uis”. Ertina tole, la erkiteken
tantangen entah perbeben si lit erbahanca surut, ngadi nehken dahin pelayanen.
Kitik entah mbelin dahin si aloken kita sue ras talenta si ibereken Dibata man
banta, patut me maka si dahiken alu mehuli. Ulih pendahin labo erpalasken gegeh,
pemeteh si lit ibas manusia tapi arah pemere ras pasu-pasu Dibata kap man
banta.
Rikutken
pengajaren ibas Etika Kristen kerna Etos Kerja, lit piga-piga hal si jadi
pelajaren man banta ibas kita erdahin eme :
·
Kerja adalah rahmat atau anugrah. Arus erdahin alu dem
pengataken bujur, sebab Dibata nge si mereken dahin e man banta.
·
Kerja adalah amanah. Arus erdahin alu tutus la
banggung-banggung, seh tuntas ras penuh integritas.
·
Kerja adalah panggilan. Arus erdahin alu benar, adil ras
ertanggung jawab.
·
Kerja adalah aktualisasi. Arus erdahin alu penuh semangat.
·
Kerja adalah Ibadah. Arus erdahin alu serius ras penuh
kecintaan.
·
Kerja adalah Seni. Erdahin arus kreatif ras sukacita.
·
Kerja adalah Kehormatan. Mejingkat erdahin ras bujur.
·
Kerja adalah pelayanan. Erdahin alu mehuli, sempurna ras dem
keteruken ukur.
Turang
ras senina ibas kekelengen Yesus Kristus, tentu bage me pengarapenta ibas kita
ndalani wari-wari kegeluhenta, ibas kita ndahiken dahinta, tetap maka malang
kita man Tuhan. ALu bage ngasup kita nguasai diri ras sura-sura si lamehuli eme
kemalasen, kerangapen ras kiniganjangen ukur. Jadilah arah kegeluhenta,
pendahinta erbahanca malem ate kalak si deban dingen terpuji gelar Dibata.
“Erkiteken
sie o senina-senina si kukelengi, tetaplah ukurndu, ola mbewat-mbewat.
Mejingkatlah kam rusur ibas ndahiken dahin Tuhan, sabap itehndu maka labo
percuma dahin si dahikenndu ibas Tuhan” (I KORINTI 15:58 ). Amin.
RG.GBKP TAMBUN
Pdt.T. Tarigan
Catatan
sermon:
1.
Lit penabah kayu 10 kalak ibagi 2 kelompok. Kelompok 1 erdahin
ia alu tutus ras pekesahken ibas waktuna. Kelompok 2 erdahin alu tutus la
pekesahken. Tapi ternyata bekasna belangen kelompok si pemena. Engkai maka
bage? Ternyata kelompok sipemena pekesahken ia janahna nggarut sekinna she maka
tetap entelap. Enda jadi ilustrasi segelah ula kita terus erdahin lupa
pekesahken, lupa ersembah ibas wari minggu. Banci saja mbue dat sen tapi keri
nukur tambar, kurumah sakit, rsd.
2.
Ibas erdahin ula lupa 3M. Man, minem, medem.
3.
Ibas Pekan sipemena enda perlu pe isingetken thema umum. Nambahi
kalak sipentar (berkualitas) ibas erdahin. Ertina reh berkualitasna labo asal
erdahin.
4.
Ibas erdahin, erdahinlah alu HO2. (HO2: Hati, otak dan otot eme
sehubungen ras kualitas.
5.
Erdahin pe desken kalak main gitar. Talina/senarna ula longgarsa
bagepe ula ka gestingsa. Longgar la mejile sorana adi gestingsa banci peltep.
Pas gestingna maka mejile. Bageme pe erdahin pas ia maka mehuli jadina.
Introitus :
La lit kai pe si terligen man Dibata. Kerina si nasa lit tangkas
dingen talang i lebe-lebeNa. Man baNa me sipertanggung jabapken kerina
perbahanen-perbahanenta (Heber 4 : 13).
Ogen : Efesus5 : 15 – 17; Khotbah : Pengerana12 : 1 – 7
Thema :
PAKEKEN PAKSA-PAKSA ALU MEHULI
Kitab
pengerana eme salah sada sini itulisken Salomo anak Daud Raja I Yerusalem(band
Pengerana 1:1). Janah surat enda ituliskenna ibas umurna enggo metua, emaka I
pakena dirina sebagai penasehat man umat Israel, khususna nandangi I singuda
denga. Hal enda ilakokenna erkiteken pengalamen-pengalamen si enggo idalani
sepanjang geluhna. Emaka I tatapna mulai anak kitik, anak perana I tua-tua bagepe
si enggo lansia, emaka ibuat na sada kesimpulan maka kerina e sia-sia (band
1:2). Guna sie me maka ia isuraken erbahan sada pengajaren-pengajaren lewat
ranan na man kerina kelompok umur. Senina ras turang, ibas kegeluhenta sebagai
manusia banci si kelompokken eme: Balita sitetap menggantungken dirina nandangi
kalak sideban tahpe orangtuana, ia labanci erbahan kaipe tanpa lit si
nampatisa. Anak remaja, enggo mulai ia ngasup ndalanken bagi kai sini ikataken
kalak/orangtuana, janah enggo banci ibedakenna sijahat ras simehuli, jenda me
manusia mencari jati diri guna ndalani geluh untuk masa depan. Pemuda/i: masa
enda me penuh perjuangan, janah ia situhuna lanai perlu menggantungken diri
bagi kalak sideban sebab enggo dewasa.
Masa
orangtua ijenda mengingat masa lalu dan berjuang masa kini dan menatap masa
depan. Emaka eggo melala tanggung jawab harus didalankenna. Masa lansia: penuh
sukacita tugasna sebagai penasihat nandangi anak kempu sekaligus menatap masa
depan sisehkal riahna sebab nandangi jumpa ras Dibata. Senian ras turang,
berngi sipeduaken enda ija iangkat Thema: pakekenlah paska-paksa alu mehuli,
alu nats penerana 12 : 1-7. Ija siidah kerina isina mereken nasihat man kita
ijakita pagi nandangi I paksana ibas ndalani geluh enda bagi kai nina pengerana
nda, emaka si enda labanci lang sialami kerina, sebab gedang teta kerina
umurta. Emaka perlu siinget, kita reh ibas Dibata nari, janah kita pe
erdahin/berkarya guna Dibata sebab I pagi paksana kita mulihken ku Dibata. Tapi
opedenga I paksana sibagenda ndai, semasih lit denga waktu/ kesempaten
sibereken Dibata sipakeken alu mehuli guna Dibata, guna kalak sideban bagepe
guna dirinta sendiri, gelah I pagi paksana tetap teridah perbahanen si mehuli e
I tengah-tengah kegeluhen ta I doni enda.
Sebab
lakabo jarang kita enda siakap tetap memiliki kekuatan jasmani, emaka lupa kita
erbahan simehuli bagi sini iarapken Tuhan Yesus nandangi kalak dideban semasa
kita megegeh, la siinget maka I pagi paksana kita lanai ergegeh bagi nina
pengerana ndai (ayat 1b-5a), lupa kita maka I me paksana kita itaruhken kalak
ku ingan pengadi-ngadin nimai (kerehen Yesus sipeduakaliken, ija I taruhken
kalak kita ku kuburen alu ende-enden, kalak erceda ate janah ngandung (ay
5b-7). Ingetlah maka kai silit enda pagi sitadingken me, kai pe labo sibaba,
emaka bayak pe jelma, tadingkenna nge doni ras isina, musil pe tadingkenna nge
kerina. (catatan: penjelasen Matius 11:2-6). Tapi adi selama ia nguda denga
ilakoken simehuli ingetna Dibata sinepasa maka tetap ngelaken simehuli, nuanken
simehuli gelah perani pe simehuli, emaka Dibata masu-masu geluhna, emaka aminna
pagi paksana I metua tetap jadi kenangen mana kalak nandangi kai sienggo
ilakoken e. Seninaras turang, enggo ka kita mengketi tahun 2014, emaka kedepan
melala hal-hal simehuli enggo nimai kita,aminna gia lit kange pagi
kerikil-kerikil siman bentasen tapi adina kita tetap nginget Dibata sinepa
kita, ras ndalanken kai singena atena maka kita temani Dibata, emaka
ipasu-pasunNa.
Siinget
min maka kaipe sinibahan kita semasa nguda/megegeh denga maka lakap sia-sia,
sebab perbahanenta e la terligen man Dibata, Ia ngidah perbahanenta si mehuli
e, sebab I pagi paksana kerina sipertanggung jawabken man Ia (Heb 4:13). Emaka
perbahanen kai ateta si pertanggung jawabken man ia, enda kerina tergantung man
banta sekalak-sekalak. Senina ras turang, perdiatekenlah rusur kai sini lakoken
kita gedang-gedang wari gelah ulakal kita kecewa ibas pudi wari, baginina
kuan-kuan karo sik sik lebei maka I tindes, sebab banci kai sini ibahan kita e
lange na ate Dibata. Sipakekenlah kepentaren sirehna ibas Dibata nari guna
erbahan kaipe, maka lit ertina kegeluhen ras perbahanenta nandangi kalak
sideban. Sebab : manusia mati meninggalkan nama, emaka sitadingkenlah nama yang
baik ibas doni enda arah perbahanan-perbahanen simehuli.
SELAMAT
PEKAN PENATALAYANAN
Pdt. A. Brahmana S.Th,
081317054961, GBKP Pondok Gede
Catatan
sermon
1.
Lit kalak kadena pe lit, tapi mate kange. Lit cerita i ibas sada
ingan bayak kal ia, tapi mate jasna pe jas paksa anakna erjabu nge. Kai pe lalo
ibabana.
2.
Paksa-paksa e adi enggo lewat lanaibo terulihi. Emaka arus
makeken alu berkualitas.
Introitus :
Ise ngayaki pemeteh, ikelengina kap dirina, dingen ise si nginget kai si
ipelajarina jumpa kap ia si mehulina (Kuan-kuanen 19:8)
Ogen : Daniel 6:1-10; Khotbah : Markus 1:35-39
Tema : Disiplin Nggeluh
Lit
istilah nina “adi sukses atendu dahin si enggo iprogramkenndu, endesken man
kalak si sibuk” sebab kurang waktu man kalak si la sibuk tapi man kalak sibuk
sisa waktu. Perbedan si menyolok man kalak sibuk ras la sibuk kerna waktu eme
soal paradigma. Man kalak sibuk waktu e ibarat garis pinter emaka meherga kel
akapna waktu sebab waktu e la nai pernah berulang mulihken. Tapi kalak si la
sibuk pemahamenna kerna waktu seri ras lingkaren, si terus berulang-ulang… maka
lit istilah “pagi pe sempat nge, labo sendah ngenca wari minggu”. Janah salah
sada strategi iblis menghancurken kegeluhen manuisa eme alu mbisikken bas otak
jelma e “masih ada waktu”. Tentuna istilah enda ibas kinata pelayanenta labo
bage kerina. Sebab normalna si la sibuk e nge arusna banci idahikenna program e
alu lebih mehuli sabab lit waktuna ngukurisa, notokenca ras ndahikenca.
Lit
turi-turin sada kelurga si atena mbuka juma, kebetulen jumana ndai lit ibas
“reben/embang” emaka ku juma ia “ nina perbulangnna o ribu si tuhuna mbuka
jumata enda labo mesera … kita erdahin arah teruh nari sitik-sitik saja kari si
tekteki kayu siarah teruh ah… jenari terahir sitabah kayu si galang arah datas
ah… ma dumpangna kari radu mbulak kerina.
Reh
nina ndeharana…. Eh encer ka kap otakndu e mama iting… tuhu katandue
Reh ka
nina perbulengenna … iya ah itingndulah akapndu…., adi bage ma ku sapo saja
kita…. Nina ka ndeharana ue yah…. Labo kari ndekah e…. emaka lawes ia ku sapo..
nangger teh…. Medem-medem piah ciger… man, dung man ngadi ka lebe. Nina je
sapih ia tiknari saja kita erdahin nakan ndai pe langa nusur… labo kari ndekah
ah… bagi si kukataken ndai kari si ban atena, piah ben me wari sada kayu pe
lalit mbulak ben wari … etah mulih kita… pagi pe labo ndekah nabahisa nina ka
she me Miinggu … tande me bulanna…sada kayu pe lalit mbulak tertarun-tarun she
me musim perudan…yah timai ka pagi perlego atena she ganti tahun kayu ndai sada
pe lalit si itabah.
Renungenta
ibas wari si pe-3 ken enda la terlepas ibas renungenta wari pe-2ken uga
pandangenta kerna waktu e…. adi siakap waktu e berulang ras berulang terus
mesera kel kita jadi kalak disiplin, tapi adi sigejapken waktu e la pernah
berulang tentu meherga kel siakap janah uga pe sipakeken ndahiken dahin si
harus si dahiken gelah ula keteter.
Tuhan
mereken man kerina jelma waktu 24 jam, mbue pendapat si ngataken perbedan kalak
si “sukses” ras si “kurang sukses” eme ibas kedisiplinenna make waktu . Ban la
kita beluh erdahin alu disiplin, melala waktu-waktu si harus kita je enggo
berlalu… engkai kam la PA, ih sibuk kel, engkai kam la PJJ ah lalit nari waktu,
engkai maka la kam ku gereja …. Langa angkandu kerina e…. sibukk kel…
Yesus
eme pribadi si paling sibuk, Ia melayani sada kuta ku kuta si deban, ngajar,
mpepalem kalak sakit, mere man kalak si melehe, mpegeluh kalak si enggo mate,
naik- turun gunung (bdk ay. 39). Ia enggo erdahin lampas erpagi-pagi (Yoh.8:2)
janah ibas ayat 35 bahan renungeta Yesus enggo menaken aktifitasna bas
erpagi-pagi lampas ope denga terang wari. Adi kalak karo I taneh karo nina
mulai jam 4 erpagi-pagi e tarik selimut maka entabeh kel medem… banci kin la
enggo jam 7 e pe mberat denga kel mata e medakna…piah rejeki pe enggo taguti
manuk nina. Yesus erdain seh gelap (Bd.Mat. 8:16 “Nangdangi gelap “rehen” kalak
maba si pinakiten ras setanen”; Yoh 3:1-2 “ Pemimpin agama kalak Yahudi gelarna
Nikodemus, ibas sada berngi idahina Yesus). Yesus tuhu-tuhu sibuk, tapi kerina
dahin si dahiken-Na kerina sempurna.
Kunci
sukses Yesus ibas ndahiken dahin-Na alu disiplin eme kedisiplinen-Na
erpengendes man Bapa-Na arah pertoton. Pertoton eme sumber gegeh kalak si
erkiniteken sebab pertoton e ibarat ”koneksi” spirit (roh) kalak si ertoto ku
Spirit Tuhan (Roh Kudus) sumber gegeh e, emaka Yesus la pernah ngelabuh ibas
ndalanken kerina pendahin-Na aminna pe tuthu-tuhu Ia “super sibuk”. Pertoton
eme dalan mpersadaken pusuh si ertoto ras pusuh Tuhan. Emaka kalak si rusur
ertoto lit inganna ibas pusuh Tuhan alu bage iangkana me kai sura-sura Tuhan.
Kedisiplinen Yesus ertoto erbahanca Ia ijuluki Tuhan alu “Anak si Kukelengi
buah ateKu”. Emaka Yesus tuhu-tuhu meteh kerina isi pusuh bapa-Na, sebab Dibata
si mpetangkassa man ba-Na.
Kedisiplinen-Na
ertoto, erbahanca pentar Ia erbahan skala prioritas ibas
pelayanen-Na/pendahin-Na. Ia erdahin la terjeng sue ras kebutuhen (bdk. ay.37.
Kerina kalak ndarami kam), salah sada pinakit erbahanca la kita ngasup
mendisiplinken diri ibas “aturen” si harus idahiken kita eme, megati kita jumpa
ka dahin siakap kita perlu ka sidahiken. Tek kel kita kalak si ndarami Yesus
pasti perlu kel akapna jumpa ras Yesus, sebab ibas paksa sie adi si pelajari
isi Pustaka Si Badia si reh ndahi Yesus eme kalak si lit kerina kepentingenna.
Adi si nen ka arah Pribadi Yesus si tuhu-tuhu dem ibas perkeleng dingen perkuah
tentu labo ate-Na kecewa kalak si reh man ba-Na. Tapi ijenda Ia tetap ngasup
mendisiplinken diri-Na ndahiken kai si isuruh Bapa-Na, emaka nina : “Kita harus
berkat ku kuta si deban….”sebab guna sie kin maka Aku reh”.
Erti
Disiplin ibas KBBI : Tata tertib, ketaatan/kepatuhan pada peraturan (tata tertib)
ertina ngelakoken kai si enggo iaturken. Kata “guna sie kin maka Aku reh” lit
ije makna si terkandung maka Yesus ngelakoken kai si harus ilakoken-Na. La ia
nggit salah kaprah, la ia nggit nggeluh la ibas aturen entah tujun si harus
ilakokenna. Berbeda kel ras mbue jelma si rusur salah kaprah (la bagi arusna).
Nggeluh
la bagi arusna (la disiplin) em si erbahan nggeluh la teratur, salah sada
sumber ketinggalen zaman… mungkin pernah si begi lagu….”Kalak lawes ku bulan
kita lawes erlajar” engakai maka ketinggalen zaman…salah kaprah sebab suruh ku
tiga lawes ku salon nande bapa itokohi… suruh sekolah lawes erjudi…”, emaka
taki me ipebue nutupi kekurangen. La disiplin ibas perbahanen si erbahanca
lanai disilpin ibas ngerana (kebohongen itutupi alu kebohongen) guna meyakinken
kalak.
Nggeluh
alu disiplin kunci sukses ibas kegeluhen
·
Daniel, aminna pe ia tading i taneh pembuangen, erkiteken
kedisiplinenna menjalin hubungen ras Tuhan, kedisiplinenna ngatur perpanna,
kedisiplinenna erlajar, maka tuhu-tuhu jelma smart, cerdas spiritual, cerdas
intelektual (bujur, sehat, jago) sititk pe la ia mbiar bersaing ras “penduduk
pribumi”. Ia la mindo prioritas tapi justru iprioritasken, la ia mindo
perlakuan sitimewa bagi mbue pejabat-pejabat, tapi justru ia i istimewaken. Khususna
man anak-anakta si sekolah bage pe si mengejar karier gundari labo perlu mbiar,
sada ngenca kuncina “disilpin”.
·
Disiplin make keuangan, melala si perlu ibas kegeluhen enda tapi
pakelah senta bagi arusna, “utamaken si terpenting itengah-tengah melala si
penting” ibas kegeluhen enda. Ula kel si pakeken senta erbahan si la erguna
apaika si pake senta guna menghancurken kalak si deban, sebab langa pe kari
keri senta e enggo leben kita hancur, apai ka adi leben kin keri senta e…s e
enggo she kel kita hancurna
·
Disiplin ibas makeken waktu, sebab waktu e lanai ndigan pe
mulihken. Perlu ka nge ibahan thime table ibas kegeluhen enda… la gia kari
kerina kel tepat setidak-tidakna enggol lit batang belin si harus ilakoken kita
setiap war…. Jam piga kita tunndu…. Jam piga kita medak….kai si pertama si
lakoken… jenari dahin si harus idahiken ibas sada wari e, jam piga kita berkat
rumah nari ku kantor maka ula terlambat, adi erjanji kita nen lebe catatten…ula
gampangsa erjanji…..rst
·
Disiplin ibas ndahiken dahin, erdahinlah ibas paksa
erdahin…istirahatlah ibas paksa istirahat, sebab lit kakap kuan-kuan nina ….”ya
ah… ngadi-ngadi ngadi e”
Sehubungen
ras tahun 2014 enda prioritas pelayanenta eme Peningkaten Kuantitas SDM
Berkualitas, maka salah sada si perlu si lakoken eme mendisiplinken dirinta
baik ibas hal-hal kerohanian, pendahin, keuangen ras waktuta, seh maka la kita
rusur bagi “iayak-ayak” kebutuhen entah pe dahinta, tempa kurang rusur waktu,
padahal kita nge la pas ibas pemakenna. Bagi anak sekolah bas kost, tempa kurang
rusur kirimen, sebab tengah bulan enggo cellet… banci kin lang pertama reh
kirimen e… daging… ikan pe kitiksa akap, enggo kenca pengujung bulan e….
terpaksa man ku rumah makan padang man alu kuah ras sambal saja.
Adi
erdisiplinna kita (nggeluh bagi aturen) si enggo itetapken tentu perkadaita pe
enggo semakin berkwalitas, alu bage tentu kita enggo mereken kontribusi si
luarbiasa guna pengembangen gerejanta enda. Sebalikna nina ibas Kuan-kuanen
19:18 adi kin kita la erdisipln (nggeluh la bagi aturen) ikut nge kita
engkernepken gerejanta enda. Emaka ula si bahani bagi ate-ateta saja
Man
banta pe ipersingeti maka penting kel disiplin e, sebab erbahanca malem ate.
Disiplin e maba kubas keterkelinen, emaka mari si benaken didiplin e ibas
jabu-jabuta nari, terkhusus ibas anakta si kitik denga, gelah generasi
berikutna lebih teratur, lebih berdisipiln ras jadi SDM si berkualitas.
Pdt. Saul Ginting, M.Div
Rg. Klender
Introitus :
“Tep-tep kali kupelajari keputusenNdu alu tutus,
kupuji Kam alu ukurku si bersih” (Masmur 119:7)
Ogen : Kuan-Kuanen 2:3-5; Khotbah : Kuan-Kuanen
22:17-21
Tema : Tutus Erlajar
Tujuan : Nambahi kalak pentar alu tutus erlajar
(1) Pengertin kata tutus ntah pe serius (B. Indonesia)ibas Kamus
Karo Indonesia eme menyatakan atau melakukan sesuatu dengan segenap hati,
bertanggung jawab. Bage pe pengertin erlajar/belajar (B.Indonesia) menurut para
ahli eme suatu proses perubahan di dalam kepribadian manusia, dan perubahan
tersebut ditampakkan dalam bentuk peningkatan kualitas dan kuantitas tingkah
laku seperti peningkatan kecakapan, pengetahuan, sikap, kebiasaan,
pemahaman,keterampilan, daya pikir dan kemampuan lain. Jadi secara harafiah
tutus erlajar banci sipahami eme guna ndatken pemeteh/pengetahuan lit proses
(erlajar)si harus idalani alu ertanggungjawab, gelah hasil siidat banci mehuli.
Maka manusia si mbue erlajar banci ikataken kalak pintar sebab enggo mbue
pemetehna.
(2) Arah tema wari si peempatken enda Tutus Erlajar labo hanya
cukup gelah jadi kalak pintar perban enggo mbue pemetehna tapi kuga jadi kalak
pentar (berhikmat) si erkemalangen man Dibata (bnd. Kuan-kuanen 1:7). Bage pe
sue ras Tahun Peningkaten SDM yang berkualitas ngajuk kita perpulungen GBKP
khususna gelah ula cepat puas ras kondisi si lit bas kita paksa genduari,
contohna enggo mbue gereja ipanteki, Pdt si enggo ertambah-tambah guna banci
melayani, rsd, tapi kita harus terus erlajar (Long Life Education). Gelah labo
hanya secara kuantitas perpulungen GBKP banci iandelken tapi secara kualitas pe
perpulungen GBKP banci iandelken.
(3) Ibas nas khotbahnta lit dua hal si penting itekanken penulis
guna ndatken pemeteh ntah pe gelah jadi pentar eme dengkehkenlah ras
perdiatekenlah (ayat 17). Berarti dua panca indera si paling penting gelah
ipakeken eme cuping ras mata. Cuping guna dengkehken ras mata guna
mperdiateken. Cuping ras mata harus maksimal ipakeken gelah kai si lenga pernah
idengkehken ras kai si lenga pernah iidah banci enggo sieteh.Contohna adi kalak
pentang tapi mejile denga pemegina, biasana ia banci denga ndatken pemeteh si
luar biasa arah cupingna walau pe la iidahna. Bage pe sebalikna kalak
pasek/tuli ras identik tuna rungu adi mejile denga matana maka ia pe banci
denga ndatken pemeteh si luar biasa arah pengenehenna. Tapi adi duana ‘ceda’
mata ras cuping maka sulit ia erlajar guna ndatken pemeteh.
(4) Kuan-kuanen 22:17-21 kata persinget man bangsa Israel sebagai
bangsa pilihen Dibata gelah kegeluhenna tetap banci ncidahken sikap ras prilaku
bagi sura-sura Dibata nandangi bangsa si deban. Emaka si jadi penekanen ibas
kitap Kuan-kuanen enda gelah Israel tetap nggeluh pentar (berhikmat) alu tetap
mehamat dingen erkemalangen man Dibata (bnd. Ayat 17-18; Kuan-kuanen 1:7) arah
enggit dengkehken ras perdiateken ajaren-ajaren Dibata siipesehken man bana.
Maka keriahen e banci siidatken.
(5) Perban kepentaren e she kal mergana maka kepentaren e
igambarken desken ndarami emas ras ngayakisa desken ndarami erta si terbuni
(mencari harta karun). Sulit guna ndatkenca ras mbue arahen-arahen (proses) si
arus idalanken. Tapi adi enggo si dat maka meriah kal siakap (bnd. Ogen) ibas
nggeluh.
(6) Tutus erlajar arah temata wari IV ibas Tahun Peningkatan
Kuantitas SDM Yang Berkualitas ngingetken man ea rah ka ibas kita erlajar labo
terjeng erlajar saja ras labo hanya piga enggo ndekahna kita erlajar tapi kai
hasil sienggo ipelajari kita guna kiniulin jelma sinterem (pentar). Sebab guna
ndatken kualitas erlajar si mehuli harus lit ketutusen erlajar. Jelma si la
tutus erlajar labo mungkin banci ulihna mehuli man jelma sideban tapi banci she
pakena guna kepentingen pribadina saja. Kualitas jelma si tutus erlajar berarti
ia banci memenuhi standar persyaraten si enggo itentuken Dibata eme
erkemalangen man Dibata, adi ia erkemalangen man Dibata maka otomatis kai si
idatna ipakekenna sue ras fungsina si mehuli, dalanken tugas ras misina alu dem
kesetiaan ras ertanggung jawab, ras ibas kerina tantangen sinihadapina la ia
gampang jatuh, sakit hati ntah pe nalahken kalak si deban ibas persoalenna.
(7) Enda persinget man banta erlajar e she kal perluna sebab jelma
e tubuh ku doni enda ibas kondisi la lit siitehna ntah pe lebih kasarna bodoh.
Ras awalna pe jelma erlajar arah kai siidahna ras kai siibegikenna. Kerina
jelma perlu erlajar guna banci dalani kegeluhen enda alu mehuli. Bas si e pe
labo hanya terjeng erlajar ndatken pemeteh tapi gelah banci arah proses erlajar
e sidat kepentaren ibas Dibata nari.
(8) Perban nggeluh kuga rah sada perjuangen, ngua gelah kita banci
menang ras sukses arus si eteh strategi, maka guna ndatken sie kita arus
erlajar ras erlajar termasuk pe erlajar arah pengalamen ngeluhta. Pengalamen
ngeluhta jadi sada pelajaren si meherga kal guna dalani wari-wari sinihadapi
kita. Bage kuga rah erlajar ertambahna wawasenta, menambah keterampilenta,
menambah pendapatennta, gelah la pedas kolihen, rsd.
(9) Mari tutuslah kita erlajar terlebih erlajar guna ndarami
kepentaren Dibata, gelah arah pemeteh si enggo lit bas kita terpuji gelar
Dibata.
Pdt. Mulianta E. Purba
GBKP Graha Harapan
Catatan sermon
1. Erlajar
labo saja arah pendidiken Formal, tapi pe banci arah informal eme
pengalamenta/kalak, seminar, rsd. Khusus erlajar kerna Kata Dibata la kap
ertamat-tamat sabab erbuena ras erbagesna kita ngangkai Kata Dibata arusna reh
ngasupna kita nggeluh singena ate Dibata. Terlebih erlajar kerna Kata Dibata
lalap kap mbaru ibas konteksta genduari, la ia statis emaka arus terus erlajar.
2. Konteks
PL anak-anak erlajar man orangtuana kerna mbue hal terlebih Kata Dibata; ibas
sinagoge erlajar man Imam/kalak lewi. Ibas PB isamping tetap dengan ngikutken
adat Yahudi si Yahudi erlajar man orang tua ras ku Synagoge, erlajar pe man man
tua-tua, rasul.
Introitus :
"Kelengilah Tuhan Dibatandu asa ukurndu,
asa tendindu dingen asa gegeh ras kepentarenndu lit; bage pe kelengilah
temanndu manusia bagi kam ngkelengi badanndu (Lukas 10:27).
Ogen : Kejadin 1:26-30; Khotbah : Filipi 2:1-4
Thema : Nggeluh erguna man sekelewetta
Tujun : Nambahi kalak pentar alu nggeluh erguna
man sekelewetta
Renungen
Situhuna ngerana kerna erguna man sekelewetta, man kalak Kristen
labo nari hal si la jelas, sabab ibas pengajaren Yesus idas uruk enggo me jelas
maka kalak sitek iidentikken ras sira ras terang doni. Ertina baik
secara inplisit (bagi sira ibas gulen la teridah tapi ernanam) bagepe
eksplisit (bagi terang mis teridah) kehadiren kalak Kristen labo
kehadiren bage-bage saja tapi kehadiren siknifikan “bermakna” ntahpe erguna man
sekelewetna. Bagi sira ras terang she kal perluna ibas kegeluhen manusia, bagem
arusna kehadiren kalak keristen she kal perluna itengah-tengah doni enda.
Adi sioge kitab Kejadin, khususna pengogenta ibas Pekan
Penatalayanen berngi sipe V ken enda (Kejadin 1:26-30) situhuna tang-tangna
nari, ibas diri manusia selaku tinepa Dibata si pepudina ibas kerina sinitepaNa
si lain asangken kerina tinepaNa eme la saja manusia e irangcang alu khusus
erkiteken ijadiken la saja nina Dibata “jadilah”, tapi “genduari sijadikenlah”[1] (lit
“arih-arih") tapi pe “sisentudu ras tempas Dibata”, ertina manusia e
makhluk berpribadi janah lit kengasupen lebih asangken tinepa sideban khususna
ibas hal akal budi ras kebijaksanaen. Emaka man manusia nge ibereken mandat
guna ndemi ras naluken doni enda bage pe “ngkuasai”. Alu bage kehadiren manusia
tuhu-tuhu penting itengah-tengah doni enda man tinepa sideban. Alu kata sideban
ka erguna man doni enda. Tapi erkiteken manusia ndabuh ku bas dosa, kehadiren
manusia la nai bagi si niarapken Dibata. Manusia megati enggo bagi ungkapen
sinipopulerken Thomas Hobbes sekalak filsuf Inggris: “homo homini lupus”
(manusia adalah serigala bagi manusia lain), ertina lanai bo ia erguna man
tinepa sideban tapi sebalikna gelah she tujun la masalah adi erperang pe.
Erkiteken si e manusia perlu ipelimbarui. Janah sienda enggo
ilakoken Dibata ibas Yesus Kristus. Ibas II Korintus 5:17 ikataken “Adi
kalak ersada ras Kristus, ia me tinepa si mbaru, si male enggo lepas janah
nehenlah, si mbaru enggo reh.” Sendalanen ras sienda, tole Paulus
ngingetken perpulungen, ngingetken kita pe arah bahan khotbahta (Filipi 2:1-4)
maka arusna kerina kalak si enggo tek man Yesus Kristus kegeluhenna enggo ibas
Kristus, janah kasa kalak si kegeluhenna ibas Kristus arusna megegeh ibas
ngelakoken singena ate Dibata ntah pe alu kata sideban nehi tanggungjawab
siibereken Dibata selaku tinepa sisentudu ras tempasNa. Megegeh erkiteken: (1)
Keleng ate Kristus ngapuli kita. Amin gia ibas doni enda ntah ibas perpulungen
mbue si la bagi ukur[2] sierbahansa
ceda ate, tapi keleng ate Kristus sienggo ialoken e, eme ija Yesus Kristus
enggo mate guna nebusi dosa manusia, erbahansa perpulungen la nadingken
kiniteken. Bagepe tek maka keleng ate Kristus nalihken sila bagi ukur e guna
kiniulin perpulungen. (2) Lit “persekutuan Roh” (Ma rembak kin kam ras Kesah
Dibata?). Adi kalak si rembah ras Kesah Dibata tentu Kesah Dibata e
mempengaruhi ia guna ngasup tetap rukur, ngerana ras erperbahanen sue ras
singena ate Dibata. (3) Lit “kasih mesra dan belas kasihan” (Ma kin
sikeleng-kelengen kam dingen mekuah atendu sekalak nandangi si debanna?).
Kegeluhen ibas Kristus indikatorna lit “kasih mesra ras belas kasihan”. Ertina
labo lit kalak singaku tek man Kristus la sikeleng-kelengen. Adi lit denga,
perlu jera. Bageme harapen Paulus arah suratna enda eme segelah perpulungen
nggeluh ersada, enggeluh sikeleng-kelengen.
Resep si ibereken Paulus gelah tetap lit ibas kiniersadan eme
sipemena: ibas erbahan kai pe la erpalasken kerangapen ras ukur meganjang (ayat
3a); sipeduaken: meteruk ukur ras la menganggap diri ulin asangken kalak
sideban (ayat 3b); sipeteluken: la egois (ayat 4).
Adi sidalanken resep enda enggo pasti kehadirenta labo saja erguna
mpeteguhi persadan tapi pe tentuna man lingkungen ija kita tading, ntah pe
erguna man sekelewetta. Erguna man sekelewetta ningen e mbue curakna. Adi ibas
persadan, minimal kehadirenta e erbahansa malem ate kalak labo sebalikna; madin
sitik ngerana tapi mbue perbahanen, asangken mbue ngerana tapi cakap ngenca.
Adi itengah-tengah masyarakat asa ngasupta jadilah kita teladan ibas kai-kai
saja pe (banci ipegedang). Emaka iarapken arah pekan penatalayanen wari sipe V
enda tole mperingeti kita maka kita kap tinepa Dibata sisentudu ras tempasNa
tapi enggo ceda erkiteken dosa ras enggo ipelimbarui arah ngaloken perkuah ate
Dibata ibas Yesus Kristus gelah tugasta ntah pe pendilota selaku tinepaNa banci
mulihi idalanken alu payo.
Pdt.S.Brahmana
[1] Menurut Tafsiran Masa Kini 1
Kejadian-Ester Hal.82, kata “genduari sijadikenlah” ("Baiklah Kita
menjadikan manusia), Dibata ngerana man “tentera surgawi”. Ibas bagin sideban
Pustaka Sibadia isingetken maka “mahluk-mahluk roh” (malekat) si singelai lit
ideher Dibata (Bd.Kejadin 3:22,24; 11:7 ras 18:21; Bd.Kejadin 18:2;
19:1 ras Jesaya 6:8). Lain ka adi menurut tafsiren Full Life. Nina, kata “Kita”
nuduhken litna kejamaken (Ketritunggalan) ibas Dibata (Bd.Maz.2:7;
Yes.48:16). Ntah kai pe pendapat kerna sie, sijelas kata jamak ibas ayat 26
enda encidahken kekhususen ibas njadiken manusia ibanding tinepa sideban.
[2] Ibas Perpulungen Filipi kepeken lit
perpecahen (Bdk. 4:2) eme sababna ibas suranna Paulus mbelin kal menekanken
kesatuan/kiniersadan.
Introitus :
Kalak si meduit la bias iakapna, kalak erngena
ate man erta la pernah I datca kai si isurana. Kerina sia-sia (Pengerana 5:
10).
Ogen : Jesaya 65:21-23; Khotbah : Pengerana
9:7-9
Tema : “Ngenanami Ulih latih”
Tujun : Nambahi kalak pentar alu ngenanami ulih
latih.
Kata Perlebe
Senina ras turang….Kitab Pengerana itulisken Salomo tupung paksa
ia enggo metua (bd. Kitab Ende-enden Salomo itulisna tupung nguda denga, ras
kitab Kuan-kuanen itulisna setengah tua). Penulisen kitab Pengerana enda
erdandanken kekecewaenna nandangi kemerosoten moral/rohani, penembahen berhala
ras geluh pepuas bana (materialisme) selaku cara guna ndatken kemalemen ate
(kebahagiaan). Kitab Pengerana mereken pandangen sinis (mengejek dan memandang
rendah) man kalak sindarami kemalemen ate alu gegehna jine, tanpa hubungen ras
Dibata. Salomo enggo ndatkenkan kebayaken, kehormaten, ras kesenangen,
ketenaren (sampur=melimpah), tapi ulihna kekecewaan ras hampa/sia-sia. Ibas
Pengerana Pasal 9: 7-12, icidahken maka keunggulen kalak si erkiniteken ras
kalak si la erkiniteken, amin pe nasip manusia (kalak bujur ras kalak jahat
mate) seri.
Pembahasen Pengerana 9:7-9 (ngenanami ulih latih)
Senina ras turang… Pengerana 9:7-9 enda banci ibagi telu bagin :
Sipemena, manken dingen meriahlah akapndu (bhs, Indo. Mari,
makanlah rotimu dengan sukaria) (ay. 9) Amin pe kematen engkenai kerina kalak
(bd. ay. 11 kerina kalak banci kena sial), tapi kalak si ngena ate Dibata (bd.
Rm. 12:2) la banci ngadi ngenanami pemere Dibata. Pemere Dibata eme: Roti
(pangan) ras Anggur ( ibr:yayin nuduhken anggur simbaru denga iperas = sari
buah segar entah anggur si langa ifermentasi, si la memabukken = bd. lau jadi
anggur ibas Yoh. 2:1-10). Alu bage kai si ipan ras si i inemna enda mendukung
kesehatenna.
Sipeduaken, cirem dingen sianglah ayondu katawari pe (ay. 8 bhs.
Indo: biarlah selalu putih pakaianmu dan jangan tidak ada minyak di atas
kepalamu) enda, gambaren kerna kalak singasup ngenanami = menikmati kegeluhen
alu mehuli, ulihna eme: cirem dingen siang ayo. Ibas praktekna rusuren ras
lukahen berjut asangken cirem (senyum).
Sipeteluken, pesenanglah dirindu ras ndehara kekelengenndu…Lit
ungkapen pecandu kerja, “saya akan beristirahat kerja saat saya mati”. Man
sekalak pecandu kerja, banci saja ndeharana lanai diatena, sipentingna man bana
eme erdahin…erdahin. Salomo kalak si mejingkat, tapi ia pe ngasup ngenanami
ulih pendahinna. Salomo ngataken maka waktunta ibas doni enda terbatas,
erdandanken si e geluhta arus mehuli ras nanami keriahen ibas hal-hal sikitikna
nari (keluarga, pasangen, pangan, paken, ras minak simerim, entah kai si lit
ibas kita).
Senina ras turang… Arah nats khotbah enda si banci jadi
jemaken/pedoman ibas kegeluhennta arah kata Dibata Pengerana 9:7-9 eme:
Sipemena, sura-sura Tuhan gelah arah ulih latihnta banci ermeriah
ukur. Guna si e la banci lang ibas menikmati ulih latih (manken dingen
meriahlah), kai si ipan ras inem kita arus si mendukung kesehatennta. Pangan si
biasa ipan/inem bangsa Israel eme: lau, Anggur, Bertih gandum, buah-buahan,
buah-buah kering, cuka, dadih, daging, ikan, keju, madu, minyak ikan, roti,
sayuran, ras susu. Band. ras pangan/inemen si i inem kalak Karo. Bangsa Israel
me bangsa si pentarna i babo doni enda, enda ipengaruhi kuga ia banci ngenanami
ulih latih alu payo.
Sipeduaken, cirem dingen siang ayo seh kal pentingna, guna ndatken
kemalemen ate. Manfaat cirem (senyum= gerak tawa ekpresif untuk menunjukkan
rasa senang, gembira dan suka) ras siang ayo: 1. Meningkatkan system kekebalan
tubuh. 2. Menurunkan tekanan darah tinggi. 3. Membuat orang lebih awet muda. 4.
Lebih maksimal bekerja. 5. Lebih berpikir positif/mengurangi berpikir negatife.
6. Menyehatken diri sendiri dan orang lain. 7. Mengubah suasana hati seseorang.
8. Membuat lebih menarik. 8. Sejalan dengan Firman Tuhan Ams. 17:22).
Sipeteluken, Ngasup ngenanami kemalem ate ibas jabu, jadi
sarana/wadah ingan nambahi kalak pentar. Banci kita erlajar nandangi pernanden
kalak Israel; Kenca itehna mehuli kulana, emaka sekalak pernanden Israel
sinilakokenna eme:
1. Pernanden
mis rende, main piano ras nukur buku matematika (ilakokenna seh tubuh
(maun-maun ras perbulangenna). Manfaatna eme: alu pengarapen babyna pembawaan
tenang ras berpikir matang ras kecerdasan otak. Ertiana mulai bertin nari enggo
ilatih nande bapana.
2. Kenca
mehuli kula ppangan pernanden Israel eme: kacang badan, korma, susu. Tengah
wari pangan utamana eme roti ras ikan la ikut takalna ras salad. Takal
ikan(otak) la mehuli man pangan sebab nina mengandung kimia. Kalak Israel la
pernah man ikan radu ras daging.
3. Sope man
roti, biasana man buah-buahen lebe. Ulihna rikutken penelitian Stephen:
Anah-anak Israel sungguh cerdas, rata-rata mereka memahami tiga bahasa: Hebrew,
Arab dan Inggris.
4. Ngisap e
hal sitabu man kalak Israel, banci kita ipelawesna. Rikutken ilmuwan Israel,
nikotin dapat merusak sel utama pada otak manusia ras melekat mana gen , ertina
keturunen pengisap banci maba generasi cacat otak (bodoh). (penemuan ibas
saintis ras DNA Israel. Sienda kerina banci jadi erdandanken perbulangen banci
ngenanami kemalemen ate ibas jabu, alu bage jabu ingan nambahi kalak pentar.
(Daftar peraih Nobel kalak yahudi: Literatur 12 kalak, perdamaian
doni: 9 kalak. Kimia:27 kalak. Ekonomi:22 kalak. Medis: 52 kalak Fisika:46
kalak).
Cileungsi,
08 Jan. 2014, Pdt, Rasmidi Sembiring M.Th.
Introitus :
“Bagiku tidak ada sukacita yang lebih besar
daripada mendengar, bahwa anak-anakku hidup dalam kebenaran ”( 3 Yoh 1:4)
Bacaan : Mazmur 37:23-26; Khotbah : Kejadian
41:44-57
Thema : “Hiduplah Dengan Jujur.” (Nggeluh Alu
Bujur)
Pembahasan
Jemaat yang dikasihi Tuhan, nats khotbah pekan penatalayanan hari
ini seperti yang telah kita baca bersama yakni tentang kisah Yusuf yang menjadi
Gubernur di kota Mesir. Mesir adalah kota tempat kesusahan Yusuf. Akan tetapi,
kota itu pula yang menjadi tempat baginya merasakan kasih karunia Tuhan nyata
dalam hidupnya. Mengapa saya berkata demikian? Jika kita mengingat kisah
kehidupannya, bahwa pada awalnya Yusuf berada di Kanaan bersama dengan bapa,
ibu dan saudara-saudaranya. Dia adalah anak bungsu Yakub. Pada suatu hari,
Yusuf mengetahui bahwa saudara-saudaranya berbuat kejahatan dan mengadukannya
kepada bapanya, sehingga bapanya marah kepada saudara-saudaranya. Ini adalah
hal yang membuat saudara-saudaranya tidak menyukainya. Selanjutnya ketika Yusuf
menceritakan tentang mimpinya kepada ayah dan saudara-saudaranya, yang
menyatakan bahwa ayah, ibu dan saudara-saudaranya akan menyembah kepadanya.
Hal ini juga yang membuat saudara-saudaranya tidak suka kepadanya.
Sehingga pada akhirnya mereka menjualnya ke Mesir.
Tidak jarang, dalam kehidupan modern ini juga pikiran manusia
terbalik-balik. Mengapa? Ketika kesalahan atau dosa kita diangkat, atau
kejelekan kita dibongkar, kita cenderung tidak suka terhadap mereka yang
membongkar masalah itu. Jika ada yang membongkar salah ataupun hal fatal yang
kita lakukan, bukannya kita menyadari kesalahan ataupun bersyukur ada orang
yang telah menyadarkan kita. Melainkan kita menjadi marah dan membalas kepada
mereka. Bahkan secara keseluruhan, terkesan seperti bahwa bukan pelaku
kesalahan yang mendapatkan hukuman, tetapi mereka yang sudah membongkar
kesalahan itu. Kita senang hidup dalam kesalahan kita sendiri yang tidak
diketahui orang lain. Tapi satu hal kita lupa, sekalipun manusia tidak
mengethaui, Tuhan mengetahui segala sesuatu yang kita lakukan. Cepat atau
lambat, semuanya akan terbuka dengan jelas dan semuanya memiliki caranya
tersendiri yang tidak kita duga.
Demikian pula dengan Yusuf, ia senantiasa hidup jujur dan takut
akan Tuhan, sehingga Tuhan senantiasa menyertainya. Baik ketika ia berada di
rumah Potifar, maupun ketika ia di penjara. Dalam hal ini, yang mau ditekankan
bahwa hidup dengan jujur sangatlah sulit dan susah jika kita tidak berserah
kepada Tuhan. Kehidupan Yusuf ibarat pepatah berkata “sudah jatuh, tertimpa
tangga pula”, dia dijual ke Mesir, menjadi budak, lalu difitnah oleh istri
potifar, dan masuk penjara. Tetapi ia tetap berlaku jujur dan takut akan Tuhan.
Siapa yang mampu seperti itu? rasa-rasanya tidak ada yang akan mampu demikian,
jika tidak mengandalkan kuasa Tuhan.
Jadi saudara-saudara, yang mau dikatakan disini adalah jika kita
sudah siap mengikut Tuhan, jangan setengah-setengah, jangan hanya mau yang
enaknya saja. Siap mengikut Tuhan, berarti siap mengikut segala jalan-Nya.
Jelas bahwa jalan mengikut Tuhan tidak enak. Sekalipun kita berbuat baik, belum
tentu itu dipandang baik oleh orang lain, dan belum tentu orang menyukai kita.
Sekalipun kita berjuang menyatakan yang benar, belum tentu kita memperoleh
kebenaran, atau dipercaya, sebab tidak semua manusia sekarang menyukai
kebenaran, dan keadilan. Tetapi yang disenangi adalah “hal yang membuat saya
senang, dan orang lain masa bodoh”. Pusatnya adalah “saya”, keakuan manusia
meningkat dan melupakan Tuhan, sehingga moralitas manusia juga semakin merosot.
Karena apa? Karena hati nurani yang baik juga semakin tumpul.
Melalui cerita Yusuf ini, diperlihatkan juga bahwa hidup jujur
bukan berarti hidup kita akan selalu dipenuhi dengan berkat sukacita. Bisa saja
yang datang dalam kehidupan kita sangat berat bahkan jauh lebih berat dari
mereka yang tidak hidup jujur, atau mereka yang tidak mengenal Allah. Yusuf
ketika , di rumah Potifar ia berlaku baik dan jujur kepada Tuhan dan tuannya
Potifar, tetapi apa yang ia dapatkan, ia masuk penjara!!! Tidak enak bukan...
kita sudah jujur, dan mati-matian untuk berlaku baik, tapi hasilnya, PENJARA..
sangat menyedihkan. Ditambah kemungkinan akan ada ejekan-ejekan dari orang lain
yang menyatakan bahwa kita dikutuk karena dosa-dosa kita. Siapa yang yang tahu
kapan Tuhan mengutuk manusia, sehingga kita dapat berkata ia dikutuk atau
dihukum Tuhan?
Jemaat yang dikasihi Tuhan, pada dasarnya janji Tuhan adalah kekal
dan tepat pada waktunya. Sekalipun sepertinya sudah tidak mungkin, tetapi Tuhan
memiliki waktu yang tepat untuk janjiNya kepada umatNya.
Yusuf bermimpi bahwa bulan, matahari dan sebelas bintang sujud
kepadanya. Namun, kenyataannya ia menjadi budak di Mesir, dan masuk penjara.
Tetapi Tuhan menyertainya. Di penjara ia tetap jujur, menafsirkan mimpi dari
Juru minuman dan juru roti. Dan yang dikatakannya adalah benar terjadi.
Selanjutnya pula dengan mimpi Firaun tentang masa tujuh tahun kelimpahan dan
kesusahan di seluruh negeri. Dalam hal ini, tidak sedikitpun Yusuf mengandalkan
kekuatannya, melainkan adalah pertolongan dari Tuhan.
Karena apa? Karena Yusuf tidak memikirkan apa yang dipikirkan
manusia, tetapi ia berpikir dan berbuat untuk Allah dan bagi Allah. Seperti
yang tertulis dalam Kol. 3:23 Apa pun juga yang kamu perbuat, perbuatlah dengan
segenap hatimu seperti untuk Tuhan dan bukan untuk manusia.
Dalam bacaan kita , dikatakan “TUHAN menetapkan langkah-langkah
orang yang hidupnya berkenan kepada-Nya; apabila ia jatuh, tidaklah sampai
tergeletak, sebab TUHAN menopang tangannya. Ini menegaskan tidak selamanya Tuhan
membiarkan anakNya dalam penderitaan. Demikian pula dengan Yusuf, dengan
kejujuran dan kecakapannya, Firaun mengangkatnya menjadi Gubernur atas seluruh
tanah Mesir. Ia menjadi orang yang disegani di Mesir. Semua perkataan dan
peraturan yang dibuatnya dilaksanakan. Tidak hanya jabatan yang diperolehnya,
tetapi istri dan juga kedua anaknya Manasye dan Efraim. Manasye adalah “Allah
telah membuat aku lupa sama sekali kepada kesukaranku dan kepada rumah bapaku”
artinya adalah Yusuf menyaksikan tentang kebaikan dan kemurahan Allah dalam
hidupnya yang menyelamatkan dia dari penjara dan yang mendatangkan kemuliaan
baginya. Dalam hal ini, bukan berarti Yusuf melupakan keluarga dan orang tuanya
atau marah dan tidak mau ingat lagi. Tetapi sebaliknya, yaitu Yusuf sangat
peduli dan memperhatikan nasib keluarganya (Kej. 45:3, Yusuf bertanya kepada
saudara-saudaranya: Masih hidupkah bapa? Yusuf sangat peduli dengan
keluarganya).
Yusuf sebagai seorang pengungsi dan asing, serta mantan nara
pidana dapat mendirikan rumah tangga di luar negeri, hal ini dianggap Yusuf
sebagai suatu hal yang luar biasa, mujizat. Yusuf memuji dan mengakui bimbingan
Allah dalam hidupnya yang memberkati dia sepenuhnya. Sehingga ia mau
menunjukkan bahwa semua yang diperolehnya adalah perbuatan tangan Tuhan, dan
ajaib di mata manusia.
Demikianlah mimpi Yusuf sejak ia masih muda, tetapi nyata ketika
ia telah dewasa. Adakah Yusuf mengetahui akan arti mimpinya itu, atau adakah
dia mengetahui bahwa suatu saat nanti ia akan menjadi orang terkemuka di Mesir?
Tidak seorangpun tahu, tetapi Tuhan yang menggenapi janji-Nya kepada umatNya.
Hanya satu yang dilakukan Yusuf yakni hidup jujur di hadapan Tuhan
dan manusia. Karena yang dipikirkannya adalah perkara yang di atas. Dia rela
menerima segala tuduhan yang ditujukan kepadanya, sebab ia memikirkan keinginan
Allah dalam dirinya.
Bagaimana harus hidup dengan jujur itu:
1. Harus ada
kesadaran dalam diri bahwa Tuhan adalah Tuhan dari semesta alam dan segala
isinya. Dengan hal ini memampukan kita untuk hidup setia kepada-Nya. Tidak ada
yang lebih kuat atau hebat dari Allah, oleh karena itu, ia Maha mengetahui
segala yang kita perbuat. Manusia hanya melihat apa yang kita perbuat, tetapi
tidak mampu melihat mengapa kita berbuat.
2. Tekad
yang bulat, membuat kita mampu menjalani setiap rintangan yang ada dengan
ucapan syukur. Sehingga setiap masalah dan cobaan yang datang, kita tidak
melihatnya sebagai halangan yang berat, tetapi sebagai tantangan untuk kita
semakin memurnikan iman kita kepada-Nya.
3. Penyerahan
diri kepada Tuhan. Segala sesuatu yang kita lakukan, semampu kita dan untuk
Tuhan dengan demikian kita tetap kuat dalam hidup ini.
4. Selanjutnya
adalah pengharapan. Pengharapan orang Kristen bukanlah pengharapan yang pasif,
melainkan pengharapan yang aktif. Artinya tidak hanya menunggu apa yang akan
terjadi, tetapi kita juga bekerja dalam pengharapan itu.
Demikianlah Yusuf berlaku jujur terhadap manusia dan Tuhannya.
Biarlah kita yang ada di sini juga mampu hidup secara jujur, bukan untuk dipuji
atau disenangi manusia, tetapi untuk Tuhan. Sebab pujian dari Tuhan itu adalah
berkat yang luar biasa, berbeda dari manusia yang hanya sementara saja. Hidup
jujur memang tidak semudah yang kita bayangkan. Ketika kita berani menyatakan
yang benar, harus siap dikucilkan, berani mangasihi – siap untuk ditolak,
berani menegur yang salah siap untuk dibenci. Tetapi ada penguatan bagi kita
sebagaimana Pemazmur berkata : “Dahulu aku muda, sekarang telah menjadi tua,
tetapi tidak pernah kulihat orang benar ditinggalkan, atau anak cucunya
meminta-minta roti.” (Ayat 25). Hiduplah dengan penuh kejujuran. Amin.
Pdt. Andreas Joseph Tarigan S.Th, M.Div.
Rg. Harapan Indah
Catatan Sermon
1. Di dalam
perikop kita tidak sekalipun disebutkan bahwa keuntungan menjual makanan
menambah kekayaan pribadi Yusuf. Kesempatan memperkaya diri sendiri sangat
besar karena, perama dia diberi kuasa penuh (Kej.41:44); kedua, dialah yang
secara langsung menangani pengumpulan gandum dan menjualnya (ayat 56).
2. Kesusksesan
kepemimpinan Yusuf: (1) Dia hidup dalam kekudusan dan takut akan Tuhan; (2)
Melaksanakan tanggungjawab dengan baik.
Tidak ada komentar:
Posting Komentar